Amua Kila Siku

Luka 9:23

“Akawaambia wote, Mtu ye yote akitaka kunifuata, na ajikane mwenyewe, ajitwike msalaba wake kila siku, anifuate.”

Unataka kuwa mfuasi wa Yesu? Unataka kumfuata Yesu?

Kumfuata Yesu sio maamuzi ya mara moja ni MAAMUZI YA KILA SIKU.

Following Jesus is not one time DECISION but DAILY.

Kila siku unapoamka fanya maamuzi ya

1. Kujikana mwenyewe.

- Kuidhulumu nafsi yako vitu unavyovipenda kwa ajili ya Yesu.

2. Kujitwika msalaba wako...

- Kukabiliana na hali au vizuizi/changamoto unazokutana nazo

3. Kumfuata Yesu

Kwenye andiko nililonukuu, Yesu anahimiza kwamba haya mambo sio ya mara moja bali ni MAAMUZI YA KILA SIKU.

MUNGU ANATAKA IWE KILA SIKU ILI USISHIKWE NA MAAMUZI MABAYA ULIYOFANYA JANA.

Kwa namna moja au nyingine, kila mtu anaweza akajikuta amefanya maamuzi yasiyo sahihi, ninaamini ndio maana Yesu akatutaka TUFANYE MAAMUZI KILA SIKU.

Hata kama jana hukufanya maamuzi sahihi ya kujikana, kujitwika msalaba na kumfuata Yesu, MUNGU AMEKUPA LEO UFANYE MAAMUZI.

Leo ni SIKU MPYA MUNGU ALIYOTUPATIA ILI TUFANYE MAAMUZI MAPYA.

Maadam unaishi leo, ZIPO REHEMA NA FADHILI MPYA ZA MUNGU, ZINAKUSUBIRI UFANYE MAAMUZI.

“Ni huruma za BWANA kwamba hatuangamii, Kwa kuwa rehema zake hazikomi. Ni mpya kila siku asubuhi; Uaminifu wako ni mkuu.” Maombolezo 3:22-23

Kila kukiacha, KUNA HURUMA NA REHEMA MPYA ZA BWANA KWA AJILI YETU.

Usikubali MAAMUZI ULIYOKOSEA JANA YAKUSHIKILIE, SIKU IMESHABADILIKA. Leo kuna HURUMA NA REHEMA MPYA.

Usiendelee kuteswa na MAAMUZI MABAYA ULIYOFANYA JANA.

Ni kweli kabisa ULIKOSEA JANA, NA INAWEZEKANA ULIKOSEA SANA, lakini maa     damu      JANA IMEPITA, hupaswi kuishi jana, LEO IMEKUJA ILI UISHI LEO. FANYA MAAMUZI MENGINE LEO.

THIS IS JESUS’ CALL FOR YOU... AMUA SASA. JIKANE, JITWIKE MSALABA, MFUATE YESU, HATA KAMA ULIKUWA HUJAWAHI KUFANYA MAAMUZI HAYO KABLA, NAFASI IPO LEO YA KUFANYA MAAMUZI.

Mungu amekupatia leo tu, na siku ya kufanya maamuzi sahihi ni leo. JANA IMEPITA, LAKINI PIA KESHO HAUIJUI ITAKUJA NA NINI, ULIYONAYO MKONONI NI LEO, TENA NI SASA.

Shetani ANATAKA KUITUMIA JANA KUKUHUKUMU NA KUKUSIMANGA kwa makosa uliyofanya, LAKINI PIA ANATAKA KUITUMIA KESHO KUKUCHELEWESHA KWA KUKUFANYA UAHIRISHE KUFANYA MAAMUZI SAHIHI LEO NA KUKUFIKIRISHA KWAMBA NITAAMUA KESHO. Kesho haiko mikononi mwetu, MUNGU AMETUPA LEO TU, MUNGU AMETUPA SASA, ILI TUFANYE MAAMUZI.

Mwambie Shetani, ni kweli JANA NILIKOSEA KUAMUA, LAKINI SIKU IMESHABADILIKA... ZIKO REHEMA NA HURUMA MPYA ZA MUNGU LEO... MUNGU AMENIPA NAFASI NYINGINE LEO... HATIA YA MOYO WANGU HUTANISHIKA TENA... NAAMUA SASA

KUJIKANA, KUJITWIKA MSALABA, NA KUMFUATA YESU KWA UKAMILIFU.

LAKINI PIA MWAMBIE SHETANI, KESHO SIO MALI YANGU, BADO SIJAKABIDHIWA, KWA HIYO SITA     AHIRISHA UAMUZI WANGU, NAAMUA LEO, NAAMUA SASA.

Wakati Yesu anawafundisha kusali wanafunzi wake, aliwaambia wamwambie Mungu, "UTUPE LEO, MKATE WETU WA KILA SIKU". Mathayo 6:11

Kila siku kuna mkate wa siku hiyo. Kila siku Mungu anacho kitu kwa ajili yetu kwa ajili ya siku hiyo.

Sio sahihi kuendelea kuishi kwa mkate wa JANA wakati kuna mkate wa LEO.

“Akawaambia wote, Mtu ye yote akitaka kunifuata, na ajikane mwenyewe, ajitwike msalaba wake kila siku, anifuate.” Luka 9:23

Kila siku fanya maamuzi kwa ajili ya Yesu. Kama jana ULIAMUA VIZURI KWA AJILI YA YESU, LEO TENA FANYA MAAMUZI.

KUISHI MAISHA YA WOKOVU NI JAMBO LA MAAMUZI YA KILA SIKU NA SIO MARA MOJA TU.

AMUA KILA SIKU

#UponyajiWaKiMunguKwaWoteWenyeMwili

Umebarikiwa

~Na. Mwl. Francis M. Langula

(+255754711247)